ليه كده


.

ليه كده بس؟


ليه بتعاملني بالقسوه دي في حبك رقيق


وفي زعلك قمه القسوه فيك


ليه انا في حبك دايما بسامح وبتحمل


وانت في حبك عنيد واناني


غيرت كل حياتي عشانك


اتحملت كل حاجه عشانك


وانت زيك زي كل الرجاله انانين


واصلا مبتعرفوش تحبوا


انا بجد مبقتش قادره


انا مش قصدي اشيل حد همومي

بس والله مخنوقه ونفسي اتكلم مع نفسي

ومش قصدي اجرح في حد

انا برضه بجرح في نفسي


عايزه ابقي اجمد من كده


عايزه اغير قلبي ده


دايما بيضعف وبيحاول يسامح


وهو متعجرف مش شايف غير نفسه وبس


لازم مغلطش لازم مااتكلمش لازم اتحمل


لحد امتي هبقي كده

انا اصلا نسيت شخصيتي كانت ايه

مش لاقيه مني غير شويه دموع

وحبه صبر وقلب ضعيف اوي

مبقاش متحمل اي شئ

ليه انا بحبه اكتر

ليه انا مش في حياته اهم شئ

هو ده خلاص الحب

والله ماحد قالي انه كده

لما حبيت حبيت بجد

وفرحت اني اخدت الي بحبه

بس لما وصلي


خلاص بقيت ملكه

يعني هروح فين؟فعادي بقي

الحب الكبير بقي شئ مهمل


فرضت عليه الحياه حاجات كتير

بس الي عرفاه ان انا بجد بدور

 مش لاقيه اي حاجه باقيه مني


بقيت مجرد تابع

وفاصل ونتابع الحياه

ياتري شكل حياتي الجايه ايه

ربنا يستر عليا



سلام ياأنا

10 تعليقات على : “ليه كده”

  1. mrmr يقول :

    هونى على نفسك
    علشان تحبى اختارى صح الشخص الجدير بالحب
    مش معنى ان فى راجل انانى يبقى الرجاله كلهم انانيين
    فى رجاله بتفنى نفسها فى سبيل محبوبته
    ربنا يملى قلبك بالسعاده ويعطيكى الحب الحقيقى الذى يملئ قلبك

  2. غير معرف يقول :

    جميله ...
    تسلم ايدك
    تقبلى مرورى
    تحياتى

  3. sweet angel يقول :

    حاولي تدوري على نفسك تاني
    وتلاقيها فيه وفي وجوده وشخصيته

    ربنا يرضى عنك ويزكي نفسك ويرزقك السعاده

  4. رحاب صالح يقول :

    صباح الورد
    المرأة مخلوقة من ضلع ضعيف قرب القلب ....ربنا لما خلقها كان بيخلقها بشكل تاني غير ادم ربنا خلق ادم من اديم الارض القوي , وخلق حواء من ضلع ضعيف قرب القلب عشان تكون هي الحاجة الرقيقة في حياة ادم وتكون القلب الرقيق والحنون والعطوف , مهما كانت ومهما قالت انا قوية عمر حوا ما هتكون قوية بنفس قوة ادم ....احنا اتخلقنا وفينا عاطفة اقوي من عقلنا عشان كدة صفة التسامح فينا اكتر من الرجالة ....
    معلش معلش ..بس حاولي تكوني افضل واحسن عشانك مش عشان حد تاني , هتتعبي في البداية لكن ف الاخر هتكوني انسانة تانية متسامحة برضه لكن بعقل وقوة توزن الامور وتقاتل من اجل حب ومن اجل نفسها ايضا ...تحياتي

  5. ديالا يا جميله
    متزعليش
    انا حاسه بيكي كنت مخطوبه لواحد شبهه
    بس انا بقى مكنتش بحبه بس مش عارفه ليه كنت بقيه معاه
    بس صدقيني قدرت وعافرت وبعدت
    بس للاسف بعد ما في شئ اتغير جوايه
    حاسه ان قلبي دبل مبقيتش زي زمان
    بس صدقيني أحسن من اني أكون معاه
    قوي قلبك يا جميله وسيبك من الي يوجعك
    الدنيا فيها ناس كويسه كتير

    أسعدك الله

  6. Unknown يقول :

    تصدقى وانا بقرأ فكرت انك بتحكي عني لكن الفرق بيني وبينك انك زوجك اللى بيعمل معاكي كده انما انا العكس زوجتي هي اللى كده ومش بتحس بأي شئ غير بنفسها وكان هي الإنسانة الوحيدة فى الدنيا اللى عندها مشاعر واحاسيس وكل الناس لأ. لازم كل الناس تراعي مشاعرها وهي متراعيش مشاعر حد ولا تهتم غير بنفسها عمرها ما فكرت مرة واحدة تحط نفسها مكان الناس وتشوف ازاي كلامها وتصرفاتها بتجرحهم يااااااااه ليه خلتيني اتكلم
    اه والمشكلة الكبر ان الواحد كل ما يعدي تصرفاتها السيئة دي علشان ميزعلهاش ويثبتلها حبه بتفكر ان ده حق ليها انها تتصرف كده وبتزيد فيها. أقول ايه بس ربنا يهديني ويهديها

  7. 2alam_Rosas يقول :

    الحب لازم يكون ليه سلبياته
    عشان مش ينفع تبقى الحياة وردى على طول

  8. Emtiaz Zourob يقول :

    اختي دموع الورد ..

    يسعدني مروري هنا ..

    فتقبلي خالص تحيتي وتقديري.

  9. beautiful mind يقول :

    ديالا
    يااااااااه اخيرا سمعت عنك حاجه
    وعرفت اي حاجه عنك
    والله لسه النهارده كنت في مدونتك القديمة
    لاني معرفتش المدونة دي غير دلوقتي
    بس انا زعلان لان حالتك مش كويسه
    لكن اصبري وربنا اكيد هيهدي
    ان شاء الله ربنا يطمنا عليكي
    معلش هي الحياة بتاخد الناس كدا
    بس اكيد لازم نفرق

اترك تعليقا

 

Design By:
SkinCorner